В Дубровно чествовали педагогов

Віктар Чацьвярэнька і Марына Пабойкіна выкладаюць мову ў сярэдняй школе №2.г.Дуброўна імя Юрыя Смірнова. Настаўнікі перакананы, што мова — гэта абавязковы навык любога адукаванага чалавека.

— Беларуская мова — гэта наша душа, наша самасвядомасць, наш гонар, нацыянальны здабытак і фактар кансалідацыі грамадства, — лічыць Марына Сяргееўна, якая перадае вучням любоў да матчынай мовы.

— Узаемаадносіны ў свеце складваюцца так, што пажадана ведаць і замежныя мовы. Яны пашыраюць магчымасці камунікацыі, знаёмства з новымі культурамі і светапоглядамі, гэта своеасаблівыя дзверы ў вялікі сусвет, — мяркуе  Віктар Віктаравіч, які выкладае англійскую мову ў гэтай школе ўжо на працягу 34 гадоў.

Кожны з іх імкнецца, каб вучні атрымлівалі трывалыя веды, былі сапраўднымі патрыётамі роднай зямлі, але паважалі культуру і менталітэт іншых народаў. Гэтае імкненне — галоўнае ў працы ўсіх настаўнікаў Дубровеншчыны.  З нагоды Дня настаўніка Віктар Чацьвярэнька, Марына Пабойкіна і шэраг педагогаў раёна атрымалі граматы аддзела па адукацыі Дубровенскага райвыканкама.