Аўтапарк Дубровенскіх сельгаспрадпрыемстваў папoўнiўся новымі “МАЗамі”

Нядаўна пры наведванні машыннага двара КУСГП “Зарубы” начальнік вытворчага аддзела райсельгасупраўлення Уладзімір Анішчанка адзначыў:
—Таварыш карэспандэнт, звярніце ўвагу вось на гэтыя два новенькія “МАЗы” з прычэпамі. Іх гаспадарка атрымала ў пачатку лістапада. Па аднаму такому аўтамабілю грузападымальнасцю 35 тон набылі таксама камунальныя сельгаспрадпрыемствы “Першамайскае”, “Арловічы”, імя Чарняхоўскага і райаграсэрвіс. Акрамя таго райаграсэрвіс і ААТ “Усход-Чырына” атрымалі па адным “МАЗе” з прычэпамі, грузападымальнасць якіх 58 тон. Гэта значыць, што за рэйс яны могуць перавезці амаль чыгуначны вагон збожжа.
—Аўтамабілі набылі па лізінгу? — пацікавіўся я ў Анішчанкі.
—Не, у растэрміноўку на тры гады. Першы ўзнос — 160 мільёнаў рублёў. Такім чынам, з улікам новых паступленняў гаспадаркі раёна маюць 69 “МАЗаў” рознай грузападымальнасці.
Аўтамабіль, грузападымальнасцю 58 тон (на здымку) давялося бачыць на машынным двары ААТ “Усход-Чырына”. Гэта сапраўдны аўтапоезд.

Андрэй КВІР. Фота аўтара.