Дубровенцы госзаказ по продаже пшеницы выполнили на 102%

У гэтым годзе згодна з дзяржзаказам сельгаспрадпрыемствы раёна павінны паставіць у засекі краіны 11700 тон харчовага збожжа, у тым ліку 3000 тон жыта, 6300 — пшаніцы, 2100 тон піваварнага і 300 тон харчовага ячмяню.
Як паведаміла нашаму карэспандэнту галоўны спецыяліст райсельгасупраўлення Людміла БАРАДЗІНА, па стане на 10 жніўня на дзяржаўныя хлебапрыёмныя пункты краіны з гаспадарак раёна паступіла 4680 тон збожжа, або 40 працэнтаў ад запланаванага.
На 42 працэнты выкананы дзяржзаказ па пастаўках пшаніцы, на 37 працэнтаў — піваварнага ячмяню, 73 працэнты — харчовага ячмяню і на 32 працэнты — жыта.
На 100 працэнтаў дзяржзаказ па пастаўках харчовага збожжа выканала ААТ “Праўда-С”.
Высокія тэмпы выканання дзяржзаказу ў КУСГП “Арловічы”. З запланаваных 865 тон харчовага збожжа, гаспадарка паставіла ў засекі дзяржаве 732 тоны, або 85 працэнтаў ад запланаванага, у тым ліку 708 тон пшаніцы ІІІ класа, што ў паўтары разы больш, чым планавалася.
На 74 працэнты выкананы дзяржзаказ у КУСГП “Усход-Чырына”. Гаспадарка рэалізавала 490 тон харчовага жыта і першай у раёне выканала дзяржзаказ па яго пастаўках, акрамя таго паставіла 216 тон пшаніцы ІІІ класа (50 працэнтаў да запланаванага).
У 2,2 раза перавыканала план па пастаўках піваварнага ячмяню КУСГП “Першамайскае” і ў 1,3 раза — КУСГП імя Чарняхоўскага.
Людміла Барадзіна адзначыла, што на Віцебскі камбінат хлеба¬прадуктаў гаспадаркі акрамя 2615 тон пшаніцы ІІІ класа паставілі 3818 тон харчовай пшаніцы ІV класа. Хутчэй за ўсё, як і ў мінулыя гады, гэтая колькасць пшаніцы ІV класа таксама будзе ўключана ў лік паставак дзяржзаказа. Такім чынам, пшаніцы ІІІ і ІV класа ўжо рэалізавана 6433 тоны, або 102 працэнты ад прадугле¬джанага дзяржзаказам.
Не будзе праблем, па словах Л.Барадзіной, і з выкананнем дзяржзаказа па пастаўках жыта, піваварнага і харчовага ячмяню. У гаспадарках ёсць дастатковая колькасць зерня, зараз вядуцца яго дапрацоўка і дастаўка на хлебапрыёмныя пункты.